E k hassan musliyar

E k hassan musliyar
ജീവിത ചരിത്രം രചിക്കാൻ ആർക്കും കഴിയും പക്ഷേ ഒരു മഹാചരിത്ര ജീവിതത്തെ അർഹിക്കും വിധമുള്ള അർഥതലങ്ങളോടെ പകർത്താൻ പ്രയാസമാണ് . അഹ്ലു സുന്നയുടെ ആദർശ ഭൂമികയെ ആളിലും അർത്ഥത്തിലും സ്വജീവിതം കൊണ്ട് അടയാളപ്പെടുത്തിയ ഇ.കെ ഹസൻ മുസ്ലിയാരുടെ ജീവിതമാകുമ്പോൾ പ്രത്യേകിച്ചും
പണ്ഡിതന്റെ നിർവചനങ്ങളേയും ജീവിതത്തിൽ നിർവഹിച്ചെടുത്ത സാത്വിക വ്യക്തിത്വം. ലാളിത്യത്തിന്റെ വിചാര ശീലുകളിൽ ആർശ കാർക്ഷത്തിന്റെ വീര ചരിത്രം രചിച്ച മഹാമനീഷി ,ആത്മീയ പണ്ഡിത സമാജത്തിൽ സമാനതകളില്ലാത്ത സാന്നിധ്യമാണ്.
                        ബിദ്അത്തുകാർ സുന്നികൾക്കിടയിൽ ആശയക്കുഴപ്പം സൃഷ്ടിക്കാൻ ശ്രമിച്ചത് അറിഞ്ഞാൽ അതെവിടെയാണങ്കിലും എത്ര ത്യാഗം സഹിച്ചും ഇ.കെ ഹസൻ മുസ്ലിയാർ അവിടെ ഓടിയെത്തുമായിരുന്നു .സത്യം തുറന്നു പറയുന്നതിൽ മുഖം നോക്കുന്ന സ്വഭാവക്കാരനായിരുന്നില്ല . എന്ത് ആനുകൂല്യം നൽകിയാലും സത്യം തുറന്നടിച്ച് പറയുന്നതിൽ നിന്ന് പിൻമാറില്ലായിരുന്നു .ധീരതയും വിനയും ഇബാദത്തും സമ്മേളിച്ച മഹദ് വ്യക്തിയായിരുന്നു .
                           കോഴികോട് ജില്ലയിലെ പറമ്പിൽകടവിലെ പണ്ഡിത തറവാടായ എഴുത്തച്ചൻ കണ്ടി വീട്ടിൽ 1926 ജനിച്ചു .കോയട്ടി മുസ്ലിയാരാണ് പിതാവ് . മതാവ് ഫാത്തിമ ബീവി . പിതാവിൽ നിന്ന് പ്രാഥമിക പഠനം നടത്തി .ചെറുമുക്ക്‌, കോട്ടുമല, ഇടപ്പള്ളി ,തളിപ്പറമ്പ് ,പാറക്കടവ് എന്നിവിടങ്ങളിൽ ദർസിൽ പഠിച്ചു .വെല്ലൂർ ബാഖിയാത്തിൽ നിന്നും ബിരുദം നേടി .ഉരുളിക്കുന്ന് ,പുത്തുപാടം ,ഇരുമ്പുചോല  , പാലക്കാട്‌, കസർകോഡ് എന്നിവിടങ്ങളിൽ ദർസ് നടത്തി . 1965 ൽ സുന്നി യുവജനസംഘത്തിന്റെ നേതൃനിരയിൽ വന്നു .അതിന്റെ വൈ .പ്രസിഡന്റായും 1976 ആഗസ്റ്റിൽ പ്രസിഡന്റായും തെരഞ്ഞെടുക്കപെട്ടു .1982 ആഗസ്റ്റ് 14 ന് വഫാത്തായി